Од „парти-принц“ до носител на симпатии

Принцот Хенри Чарлс Алберт Дејвид од Велс, како што гласи полното име со сета негова убавина, ќе се ожени за американската актерка Меган Маркл. Свадбата ќе се одржи во дворецот Виндзор, а двојката нема веднаш да замине на меден месец, поради обврски. Двајцата се многу социјално ангажирани.

Принцот Хари и Меган Маркл првпат се сретнаа во Лондон, во јули 2016 година - долго пред медиумите да дознаат за нивната врска. Принцот, кој е на шестото место на британските престолонаследници, ќе се венча за својата избраничка во присуство на околу 600 гости.

Принцот Хари не брзаше со одлуката за женидба. Долги години тој беше „парти-лав“, ориентиран кон забави. Жолтиот печат имаше постојано приказни „на тацна“ - сигурно не на радост на неговите кралски роднини.

Една од најпикантните беше веројатно приказната околу нацистичкиот костим на Хари (фото: насловната страница на „Сан“, 13.01.2005). Алкохол и цигара во рацете - тоа некако и може да се преџвака, но лентата со кукаст крст на раката, кој Хари се одлучи да го стави на својот костим, предизвика бура од незадоволство. Принцот се извини за лошиот аутфит и рече дека не сакал никого да навреди.

Ноември 2005: принцот Хари на војничка обука во Англија. Тоа му помага да ја разбистри главата. На почетокот на 2008 година британското Министерство за одбрана потврди дека принцот ќе се бори против талибанците во Авганистан.

Принцот Хари во септември 2012 година добива објаснувања за својот воен хеликоптер во „Камп Бастион“, во авганистанската провинција Хелманд. Со Апачи-хеликоптерот тој во јануари 2013 година убива и талибанци.

Скок наназад: во август 1985 година, во рацете на својата мајка Дајана, принцезата од Велс, малиот Хари сигурно нема поим за кого ќе се ожени. Претходно, помладиот син на Дајана и принцот Чарлс имаше повеќе (официјални) девојки...

Од 2004 до 2011 година Хари беше заедно со Челзи Дејви, која потекнува од Зимбабве. Се запознаа за време на нејзината посета на еден интернат во Англија. Според медиумите, на почетокот на 2009 година Дејви ја прекинува врската. По уште неколку обиди за повторен почеток и неуспеси, врската е прекината во 2011 година.

Со британскиот модел Кресида Бонас принцот беше заедно од 2012 година. На фотографијата: Хари и Бонас, која работи и како актерка и танчерка, во март 2014 година во Лондон гледаат рагби-натпревар меѓу Англија и Велс. Врската беше прекината пролетта 2014 година.

Сега принцот ја пронајде својата „Number 1“. Врската меѓу нив беше официјално потврдена пред околу година и половина, а во септември 2017. двајцата, држејќи се за раце, првпат ѝ се прикажаа на јавноста заедно на „Инвиктус Гејмс“, во Торонто. Времињата на „парти-принцот“ се чини се дефинитивно завршени.